LUKAS 17: 5-10

PANAGSERBE SAAN NGA PAMMADAYAW

I.

Daytoy Ebangelio tatta nga Domingo ket ipakitana ti pudno nga kababalin ti tao; Anya ba ti panggep tayo no apay nga agtrabaho tayo para kenne Apo Dios. Ibaga tayo kadi nga rumbeng nga maka-awat tayo iti gunguna gapu iti rigat ken sakrispisyo tayo? Wenno inramid tayo dagitoy gapu iti ragsak tayo gapu ta insalakn ni Apo Jesus datayo? Kakabsat ko ken Kristo ti panagsirbe iti Dios ket naited nga responsibilidad iti tunggal adipen iti Dios.

Iti umuna nga paset iti mensahe inpakita ni Apo Jesus ti maaramidan ti tao nga adda pammatina iti Dios. Dagiti adalan ni Jesus ipagarud da nga ti pammati ket kasapulan nga napigsa tapno maparbek dagiti liday ken sulisog. Patiek nga iti daytoy nga tiempo marikna dagiti adalan ti insulto ken panaka-idadanes kadagiti kailianda nga Judio. Isunga dumawdawatda ken Jesus iti tulong tapno manayunan koma iti pammati da. Ngem nalawag ti sungbat ni Jesus – ti pammati ng akas bukel ti mostasa ket umdasen tapno masango dagitoy nga problema.
Lagipen tayo kakabsat nga dumawdawat dagiti apostoles iti napigsa nga pammati gapu iti riribok nga marikrikna da. Saan nga gapu tapno kayat da nga agpasindayag iti tao.

II

Iti maikaddua nga passet ti Ebangelio ket ilawlawagna ti pudno nga rason no apay nga datayo nga pasurot ni Jesus ket sipupudno koma nga agsirbe iti Dios. Inaramat na ti kasasaad ti maysa nga adipen nga agsirbe iti Among na. Nalawag nga makita tayo nga dagiti adipen ket pulos nga awan karbengan da nga dumawat iti pammadayaw iti Amo da. Awan ti karbengan ti adipen nga mangibaga “Among ko rumbeng nga idayaw mo siak gapu ta inaramid ko daytoy”. Iti maudi nga paset ti texto kunana: ‘Adipen kami laeng, Inaramidmi laeng ti pagrebbenganmi’. Awan koma ti napasindayag nga mangibaga iti Dios-“ Siak ket nangato nga tao gapu ta inaramid ko dagiti bilin ti Dios”. Nalabet awan ti mangibaga iti dayat ngem nagado ti mangipagarup nga kasta ti kasasaad da. Maysa nga bunga ti pammati iti Dios ket ti panagpakumbaba.

No kitaen tayo iti aglawlaw nagado nga simbaan ti makinkayat nga maidayaw ti tao. Addo nga membro iti mapan iti sango nga mangibaga iti istorya ti biag da; mayat nga denggen ngem kaaduan nga naimatangak ken nangngegak ket diyay tao ti maidaydayaw. Pulos nga awan pay ti nangidayaw iti panagpakumbaba nga inaramid ni Jesus idiay Krus. Amin ket nakasentro ti adipen nga agsirbe koma iti amo na. Nakagatangda iti lugan; nakaaramid da iti balay; naka-addal dagiti annak da; nasulbar da dagiti problema da etc awan ti makitak nga koneksyon na kadagiti sinagaba ni Jesus idiay Krus tapno maisalakan iti tao. Gagayem ko datayo nga pasurot wenno adipen ni Jesus ti ikasaba tayo ket ni Jesus nga nangited ti biag na tapno agbiag met dagiti natay kas kadatayo. Saan nga intresado iti Dios no anya ti kasasaad ti biag tayo ditoy lubong. Anya man ti balay nga pagtataengan tayo; agpapada amin ti panangkita iti Dios. Ti napateg ket ti panagtupal tayo iti bilin ti Dios nga maiwaras ti pannakaisalakan nga inaramid ni Jesus. Tapno malawagan met dagiti dalan dagiti adda iti sipnget babaen ti panangtungpal tayo iti bilin ni Apo Dios

III

Kitaen tayo no kasano nga nagbiag ni Apo Jesus idi nagbalin nga tao nga makipagbiag kadatayo. Simple iti biag nga pinilina; simple dagiti adalan nga inayaban na. No adda isuna iti templo wenno sango ti addo nga tao tapno agkasaba—saan nga dagiti balay wenno nagluganna ti dakdakamatenna no di ket ti ayat ti Dios nga mngisalakan ti managbasol. Pulos nga saan pagan-anno ni Jesus ti kinabaknang; Amin nga istoryana ket panggep iti simple nga panagbiag. Ipakita nga ti biag ditoy lubong ket nakasentro amin iti pammati iti Dios.
Tapno mapaneknekan dayta nga ayat na- inted na ti biag na tapno maipasa ti kinalinis nga inaramid na kadatayo nga mamati ken agtallek Kenkuana. Naikawisen ni Jesus kadatayo isunga amin nga Makita ti Dios key diay kinalinis ni Jesus.
Iti nagan ni Jesus. Amen