TI WAYAWAYA NGA INTED NI JESUS

JUAN 8:31-36

Sakbay iti amin kayat ko pay nga iyawat ti nabara nga kablaaw ko gapu ta ita nga aldaw lagipen tayo ti waya-waya nga inted ti Ebangelio gapu iti adipen nga inusar nga ni Dr. Martin Luther. Ti sursuro nga intayo sinurot ket nagapu idiay Aleman (Germany) nga simmangpet ditoy Wallayan gapu ta nabileg ti SAO TI DIOS.

Ti Sao ti Dios laeng ti maka-aramid kadagitoy pasamak nga saan nga kaya ti tao.

I.

No kitaen tayo dagiti Judio idi panawen ni Apo Jesus, amin ket nakasenro ti mata da iti lubong. Ngarud iddi isuro ti Apo panggep ti waya-waya, dagiti adda ti lubong ti sinumrek nga dagus iti puso da. Nasakit manen ti nakem da idi inbaga ti Apo nga adda wayawaya nga maited no agtalinaed da iti ayan ti kinapudo. Ket ti ayan laeng ti kinapudno ket ni Apo Jesus.

Anya ba daytoy kinapudo nga ibagbaga ni Jesus nga mangted wayawaya kadagiti tao iddi, agraman datayo nga agbibiag ita nga panawen? Anya ba ti nangbalud kadatayo tapno kasapulan tayo iti wayawaya? Kakabsat ko ditoy Wallayan, anya ba ti nangbalud kadakayo tapno kasapulan tayo ni Jesus nga mangted wayawaya kadatayo? Sino ba ti tumarayan yo no panawen ti rigat ken sakit? Saan kon paatindogen ti punto nga kayat ko nga ibaga kakabsat—ti kinapagano pay laeng ti nangbalud iti daytoy nga lugar isunga ti Dios mismo ti nangaramid ti pamuspusan tapno ipatakderna daytoy nga simbaan. Gapu ta kayat na nga maikkan ti wayaway daytoy nga lugar.

Apay nga adda kinapagano, anya ba ti rason no apay nga addo dagiti relihiyon nga saan mamati ken Apo Jesus? Gapu iti basol—idi sinalungasing dagiti umuna nga pinarsua ti Dios naiadayun ti Dios iti tao. Ti Tao ket kayat na nga iyasideg ti bagi latta iti Dios iti bukod na nga pigsa isunga nagaramidda iti wagas nga ipagarupda nga maka-asideg da iti Dios. Ket ti resulta na addo ti ulbod nga relihiyon ti naipatakder—ket maysa ti kinapagano.  Saan kayo ba nga masdaaw no apay nga amin nga lugar sakbay nga sumrek ti Kristianismo ket addan kinapagano? Dayta ti napasamak iti entero nga sangalubongan—no sumrek dagiti Missionaries iti anya man nga lugar—addan kinapagano idiay. Apay? Kayat ko manen nga dakamaten diyay sungbat ko itay—GAPU ITI BASOL KAYAT LATTA TI TAO NGA UMASIDEG ITI DIOS TI BUKOD DA NGA PIGSA.

Daytoy ti punto ni Apo Jesus— Kenkuana laeng ti ayan ti wayawaya.

II.

Addo ti nagsagaba, natay ken napouran gapu iti daytoy a wayawaya ket nagballigi manen ti Sao ti Dios. Pimmigsa ti Kristianismo ket naipadamag ti inaramid ni Apo Jesus iti entero nga lubong isunga nga naipatakder ti addo nga simbaan kas simbolo ti balligi ti Ebangelio. Ngem anya manen ti napasamak—idi napigsan ti simbaan inut-inut manen nga ngasubli iti kinapagano—dagiti daan nga sursuro nga linabanan ti Ebangelio ket nainayun manen iti simbaan.( Ex. Panagdayaw iti minatay—panagdayaw dagiti sasanto; panag-atang ti kararwa ti natay- all soul’s day.. panagrukbab ti Didiosen—mary) naisubli manen dagiti banag nga kagura iti Dios. Enggana immay ti panawen ni Martin Luther. Ni Luther ti nangibaga nga masapol agsubli diyay dati nga kababalin ti simbaan. Napintas ti simbaan idi saan pay nga nabaknang—dagiti SASAO laeng ti Dios ti maisursuro; ken amin nga mamati ket agadal ken agdengngeg kadagiti SASAO ti Dios.

Idi napigsan ti simbaan, inparit da nga basaen dagiti tattao ti Biblia; adda purgatory nga papanan dagiti minatay nga masapol bayadan tapno makapan da idiay langit, mabalin nga mabayadan ti basol etc. Dagiti aramid dagiti pagano ket naisubli ngem nasukatan laeng dagiti nagan na—inusarda laeng ti simbaan tapno masablyan iti nagan dagitoy nga aramid ngem parehas latta nga kagura iti Dios.

Naiyaw-awan ti Sao ti Dios nga mangted liwliwa ken ragsak kadagiti tao nga mangsapsapol iti Dios. Ti wayawaya nga iyaw-awis ti Dios ket pinasardeng ti simbaan gapu ta nakasentro ti mata da ditoy lubong. Kakabsat ko iti Apo, daytoy ti silebraran tayo itta nga Domingo ti panangisubli iti Dios ti dati nga kababalen ti simbaan—naisubli diyay SASAO ti DIOS kadatayo ken amin tayon ket mabalin nga agbasa ken agadal iti SASAO ti DIOS. Saan laeng nga padi wenno pastor ti maka-ilawlawag iti Sao no ket datayo amin nga nagaget nga agadal iti SAO NA. Saan man nga nabaknang ti simbaan tayo ita ti material nga bannag—nabaknang tayo met iti Sao nga mangted ti pudno nga pannaka-isalakan.

III.

 Iti Ebagelio tayo inbagan mismo ni Apo Jesus nga dagiti mamati Kenyana ket adan kinapudo kadakuada. Saanen nga adipen ti basol gapu ta addan wayawaya nga naala gapu ken Jesus. Pulos nga saan inkabain ni Apo Jesu datayo; amin nga nammati Kenyanna ket inbilang na nga parte iti pamilya na idiay langit uray pay ditoy daga. Inted na mismo ti biag na ken amin nga adda Kenkuana tapno gabalin tayo laeng nga membro iti pamilya ti Dios. Isunga nakababaen ti maysa nga mamati ti sublian na manen dagiti bannag nga inbati na; saan tayo koma manen kanen diyay nalpas tayun nga insarwa.

Addo pay laeng ti trabaho kakabsat, masilibraran ti Reformation kas pananglagep iti panaka-isubli ti Ebagelio ti simbaan ngem addo pay ti rumbeng tayo nga aramiden. Nagado pay laeng ti saan nga nanglukat ti puso na kadatayo nga kaya na nga ibati dagiti bannag nga kagura iti Dios. Ni Jesus saan na inkabain datayo ket kasta tayo met koma Kenyana. Ni Martin Luther saan nga nagbuteng tapno labananna ti entero nga simbaan gapu ta iyaw-awanda ti tao nga agdayaw iti Dios. Inted na amin nga panawen na tapno dagiti Sursuro ni Apo Jesus ket maiwaras iti amin nga tattao ket simmangpet pay mismo ditoy Wallayan. Dagitoy inpakpakita dagiti immune nga mamati ti mangted kadayo ti inspirasyun ken pigsa tapno ituloy tayo latta ti mangiwaras ti pannaka-isalakan.  

Anyan nga ragsak no umaddonto ti mamati iti daytoy nga lugar; nga sidadaan nga mangtakder ti pammati nga inawatna ket saan nan nga ibbabatan. Ammo ti Dios nga addo ti maisalakan ditoy isunga inpatakder na ti balay na—datayo koma ti mangirugi kakabsat tapno addo ti sumurot. Dawatek nga awan koma ti mangsubli nga mangkakan iti insarwana gapu ta nakababaen ken addo pay ti maiyaw-awan iti kasta nga kababalen. 

Agayamak unay kadagiti nakipagsakripisyo tapno mabangon ti Distrito tayo ditoy La Union; Sapay koma ta umado tayo pay ken maiwaras pay ti entero nga Luteranismo ditoy nga lugar.

Iti Nagan ni Jesus. Amen