BROWN CHRISTMAS

Agragragsak ti kaadwan ngem dagiti kakabsat tayo iti sabali nga lugar ket adda liday ken sagaba nga sangsangwen da. Nadalapus ti napigsa nga bagyo ti lugar da sunga saan da nga masilibraran ti PAskua. Ngem kastoy kaliday idi iyanak ni Maria ni Apo Jesus, awan balay nga mangpasrek kinyada tapno maka-inana ti maysa nga masikog nga dandanin akanak. Diyay makinbagi ti kulongan ti animal nga nangpasangbay kinyada- pulos nga awan biang na ket matmaturog nga nasayaat iti uneg ti balay na.

Ti lubong nga ayan tayo tatta ket nalipatan dan ti pudno nga mensahe—makan, regalo ken inom ti makita no dumteng daytoy nga panawen. Saan da panunuten nga ti Krismas ket rigat ni Jesus enggana mailansa isuna iti Krus. Nauyaw ken nakatawaan gapu ti basol tayo nga tattao.

Idi makitak dagitoy nga litrato—kastoy nga talaga ti pasamak nga mangipalagip nga ti Paskua ket panggep ti panagpakumbaba; narigat man ti kasasaad dagiti kakabsat ngem ti Dios ket adda latta kadatayo amin. Adda kayo amin ti kararagmi ken sapay koma ta ti puso tayo ket nakalukat gapu ta nagbalin nga tao ti Dios tapno isalakan na ti lubong.

Kararag tayo:

Amani agyaman kami gapu ta simmangpet ti inuray dagiti tattaom iti nabayag; dakami nga adda pay laeng ditoy nga biag Sika koma ti mangbantay kadakami tapno saan mi lipatan nga ti Paskua ket panggep ti panagpakumbaba. Aywanam dagiti kakabsat mi nga agsagsagaba gapu iti bagyo nga limmabas. Punwem ti puso da ti ayat tapno makitada nga Adda ka kadalami uray anya nga sitwasyun ti ayan mi.

Ti nagan ni Jesus. Amen

Photos are courtesy of Philippine Star