MAIKADDUA NGA DOMINGO TI ADVENTO  

ALDAW TI PANAGSAGANA

Mateo 3:1-12

Anya ti Advent?

Kadagitoy nga panawen kakabsat, ditoy pagilian tayo nga Pinas no dinumtengen ti brrr months ket mairugin ti panangselebrar iti Pascua/Krismas. Mairugin nga maipatukar dagiti saneweng panggep ti ragsak nga ited ti Pascua. Ngem, addo di saan nga maka-ammo nga sakbay nga agragsak ti sangalubongan masapol pay ammo da iti rason no apay nga adda naisangsangayan nga rag-o no dumanon ti Pascua ket daytoy ti ibaga  iti Advent/Advento.

Ti kayat nga saowen ti Advento ket iyu-umay; adda umay nga bisita nga intayo isaganaan; Diyay nga bisita ket napateg unay gapu ta adda Kenyana ti namnama tapno maikkan tayo maen ti waya-waya. Waya-waya nga maka-asideg manen iti Dios. Anya ngarud ti rason no apay nga saan tayo maka-asideg KEnyana? Gapu iti basol ket dayta ti kitaen tayo tatta nga Advent.

Ipakita ti Advent ti kasasaad tayo nga tattao; Amin nga tayo ket natnag iti basol isunga adda koma liday ken panagbabawi nga marikna tayo  tapno ti ur-urayen tayo nga bisita ket sumrek ken ummay makipagtaeng kadatayo. Ita nga panawen ket oras ti panagbabawi ken panangsagana iti puso tapno ni Apo Jesus- diyay kangrunaan nga bisita ket maka-unneg ti biag tayo.

I.                     JUAN MAMUNIAG, BANWAR ITI PAMMATI

Ti kangrunaan nga nagan nga madakamat no Advent ket ni Juan Bautista/manmuniag. Maysa nga parsua nga inbaon ti Dios tapno ikasabana dagiti tao tapno agsagana da. Ti pinagsagana nga inkasaba ni Juan ket pinagsagana tapno ti Dios ket sumrek ti biag tayo. Ngarud ti umuna nga addang tapno mairugi daytoy ket panangkita ti kasasaad tayo ita? Anya ba ti kasasaad ti biag tayo ta umayen ti Dios? Nakasagana tayo kadi? Kayat ko manen nga dakamaten diyay 3P’s tpno umay ni Jesus.

1)        PANAGBABAWI- datayo ket rumbeng nga admitaren tayo nga managbasol tayo. Daytoy ti umuna nga addang tapno ti Dios ket mapasangbay iti biag. Ni Juan ket in-unay-unay na ti panagbabawi ken nasakit ti ikasta nga agkasaba kadagiti tattao nga awan pakakitaan ti panagbalbaliw da. Kasta nga talaga ti Sao ti Dios sumugat ken nasakit ngem adda latta ti sam-it gapu ta ti Sao ti Dios nasakit tapno maamiris tayo ti kinasiasino tayo. Ibagana ti pagkapsotan ken problema ti kasasaad tayo tapno makita tayo no anya nga lugar ti ayan tayo. Ket no saan tayo kaya nga sulbaren ti bukod tayo nga pagkapsutan ngarud kasapulan tayo ti umay tumulong kadatayo ket ditan nga irugi ti Espiritu Santo nga agtrabaho.

2)      PAMMATI- ti pammati nga ni Jesus laeng ti ayan ti namnama ken kappia ket simbolo nga ti biag tayo ket silulukat tapno sumrek isuna. Isu iti ima nga nang-awat tapno dagiti pagkapsutan ken problema ket masulbar babaen ti pannakabalin nga adda ken Jesus. Ti banag nga pulos nga saan nga mapukaw uray pay awan tayun ditoy nga biag. No nagsinan ti bagi ken kararwa tayo ti pammati tayo ken Apo Jesus ket agtalinaed ket saan nga mapukaw. Amin ket mapukaw malaksid ti Pammati tayo ken Jesus nga mangisalakan. Ngarud kakabsat daytoy koma ti kanayun tayo nga arapaapen ken siputan; babaen ti tulong ti Sao ti Dios agtrabaho ti Dios Ispirito Santo ket maadadaan tayo iti pammati, kangrunaan nga gameng ditoy lubong. Ti pammati ti tulbek nga manglukat tapno umuneg ni Jesus ket maka-uneg tayo met idiay Pagarian ti Ama.

3)      PANNAKA-ISALAKAN- amin tayo ket adda saludsod ti kaungan no sadino ti papanan no dumteng ti oras tayo. Dagiti saan mamati ken Jesus ket adda latta ti danag ken kanayun nga maboribur ti panunut. Ngem dagiti nang-amin nga managbasol da ket sinumrek ti pammati kenyada addan kappia ti puso ken ni Jesus ket sinumreken ti balay tayo. Iti inaldaw nga panagbiag tayo adda kanayun ni Jesus nga sumursurot nga mangted silaw ken pammagbaga. Amin nga pasamak ti biag tayo nga mamati ket nakakonekta ken Jesus. Ni Jesus ti sentro amin nga kuti tayo nga mamati Kenkuana.

4)      PANNAKA-UKOM—kadagiti saan nga nangpasrek ken Jesus iti biag da. 3Ps kadagiti mamati; 4Ps kadagiti mangkatkatawa iti Sasao ti Dios

II.                   JESUS UMAY KA ITI BIAG KO

Ita nga panawen ti panaglinis ti arubayan ti biag tapno ni Jesus ket umuneg. Awan ti maka-asping kadagiti ayat ken sakripisyo ni Apo Jesus tapno ti tao ket malinisan ket makasrek manen iti sangwanan ti Dios. Nasipnget ti biag no awan ti silaw ket ni Apo Jesus laeng ti maka-ited idiay nga kasapulan.

 Apo Jesus umay ka iti biag mi, silawam ti nasipnget nga lubong tapno babaen kadakami makita dagiti saan pay mamati ti silaw nga agturong idiay pagariam. Adda amin nga dayaw ket tagsak dita langit nga ayan ti Dios Ama ken Espiritu Santo ngem bimmaba ka gapu laeng ta kayat mo nga ti tao ket maaddaan ti namnama ken maiturong iti pudno nga pagnaan.

Ibaga tayo amin kakabsat “Umay ka Apo Jesus, Sika ti silaw ken namnama” .

Iti nagan mo. Amen