Mateo 1: 18-25

I.                    Itta nga aldaw ti maudi nga aldaw ti Advent. Ket nakasaganan koma ti puso tayo nga mangpasangbay ken Jesus.

II.                 No kitaen tayo dagiti Parsua nga inaramat ni Apo Dios tapno agbalin nga tao ni Apo Jesus ket amin da ket napakumbaba.

·      Maria—nga dandanin maikasar ngem masikog gapu iti panakabalin ti Espiritu Santo. Mabalin nga mabarsak isuna iti dayta gapu ta dakkel nga basol ti masikog nga awan ti Ama ti ubing.

·      Jose- saan na kayat nga mababain wenno madusa ni Maria isunga kayat na nga matuloy ti kasar da ngem sinaan na met lang ni Maria. Makita tayo ditoy nga ni Jose ket nanakman ken nasingpet nga pasurot iti Dios.

·      Idi nagpakita ti angel iti Dios naawatan amin ni Jose isu nga nagtulnog ket tinungpal na amin nga kayat iti Dios.

No kitaen tayo daytoy nga paka-istoryaan ket istorya ti panagtulnog ken panagpakumbaba iti pagayatan iti Dios. Dakkel ti sakripisyo ti inaramid dagiti maseknan tapno matungpal ti plano iti Dios- ngarud kakabsat gapu ta datayo met dagiti tattao ti Dios ita nga panawen masapol nga tuladen tayo dagiti imun-una nga tattao iti Dios. Saan tayo isinger dagiti  bassit sakripisyo nga naaramidan tayo no di ket aramiden tayo nga siraragsak.

Nakalukaten ba ti puso tayo?  Ti kapatgan ba iti biag tayo ket diyay pammati tayo iti Dios? Wenno napatpateg latta ti kwarta iti biag tayo? Masapol dagiti kayat tayo nga mangngeg ti ibaga ti pastor satayo umay makimisa?

Kakabsat ko iti Apo, dinumtengen iti paskua—Miyerkules ti panangsilebrar ti naiyanakan ni Jesus ket ti dalan koma nga pagnaan na ket naisagan. Awanen koma ti nainlubongan nga rikna ket ayat ket panagpakumbaba koma latta ti agturay.

III.               Jesus nga Ari nga nagbalin nga adipen  tapno ti tao ket maiyasideg manen iti Dios. Inaramid na ti dalan tapno makasrek tayo ti pagarian ti Dios. Amin inaramid ti Dios nga rumbeng nga maawatan ken makita ti tao ket inpakita amin ti Dios ket dayta ti mang-allokoy kadatayo tapno awaten tayo ni Jesus tatta nga Paskua. Dagiti regalo nga inawat tayo ket simbolo ti ragsak nga awaten tayo ti kabanuran nga regalo nga inted ti Dios- ni Apo Jesus.

Inawat yo ba ni Jesus? Nalaka nga ibaga nga wen—ngem ti mangsungbat dita nga saludsud ket ti panagbiag tayo. Dita nga makita no inawat tayo ni Apo Jesus; saan kon dakamaten dagiti pagkapsutan tayo kakabsat ngem no awan ti nabaliwan dita kayat nga saowen saan pay nga immuneg ti Dios ti biag yo.

Saan nga rabrabak ti agbalin nga pasurot iti Dios—datayo ket adipen nga sisasagana nga agsirbe; awan  koma ti addo nga reklamo, aramiden amin nga bilin ti Dios gapu ti ragsak ken kas bunga ti pammati.

Pakita tayo kakabsat nga nataengan ti pammati tayo ita nga paskua ket Ti Dios adda latta kadatayo kanayun.

Emmanuel—addan ti Dios kadatayo enggana enggana—agnanayun awan gibus na.

Iti Nagan ni Jesus. Amen