TI DIOS URAY UTTOT KAYA NA NGA USAREN

Malagip ko ti kanayun nga istorya ni nanang ko idi adda kami pay laeng idiay Urdaneta, Pangasinan. Gapu ta ni tatang ket kasapulan na umuna nga agsirbe sakbay nga malpasna ti kurso na iti seminaryo. Tawen 1979 idi addaak pay laeng iti umuna nga tukad ti Elementarya. Narigat ti biag sadiay nupay adda suporta nga maited ket kurang latta gapu ta uppat kami nga agkakabsat. Ti maysa nga kabsat ko ket saan na pay kaya nga agyan iti kapudotan gapu ta pirmi ti gaddel na gapu ti pudot. Kaasi nga mapunno ti intero nga bagi na ti gaddel ket saan pay nga makapagnan.

Adda gundaway ti biag mi nga pulos nga awan mausar  ket kayaten nga sumuko ni tatang, kayatnan nga agsubli ditoy Cordillera gapu ta maymayat nga adayo ti biag ditoy. Ngem inbaga ni nanang ko nga aganus pay isuna; pirmi ti kararag kano ni nanang ko iti daytoy nga gundaway. Pagam-ammoan adda nakitana nga uttot (rat) nga adda kinakagat na nga kwentas. Tiniliw kano ni nanang diyay uttot (rat) sana inala diyay kwentas ket napan na inlako idiay palengke. Nasdaaw ta balitok kano diyay sunga adda inusar na nga napan nakitienda ken gimmatang ti agas ni adding ko.

Kunana ni nanang ko no ibagbaga na daytoy nga istorya  “TO DIOS KAYA NA NGA USAREN AMIN TAPNO MATULONGAN DAGITI MAMATI KENYANA. URAY TI MAYSA NGA UTTOT KAYA NA NGA USAREN.