Mateo 4:12-23

Ni Apo Jesus ket adda idi saan pay naparsua ti sangalubongan isu nga idi immay ditoy daga nakaplano aminen dagiti rumbeng nga aramidenna. Iti pannaka-iyanakna enggana iti natayanna idiay Bantay Kalbaryo. Isunga awan koma ti pagsidda-awan tayo nga pasurotna no dagiti bannag nga naisurat iti baro nga tulag ket natungpal amin nga naipadto.

I.

Tinungpal na ti padto nga mapan isuna idiay Capernaum iti ili da Zabulon ken Neftali- ditoy nga nangrugi nga engkasaba ni Apo Jesus ti pagarian ti Dios nga umay.

Ti umuna nga addang nga inaramid ni Jesus ket nagayab iti pasurot na, isunga makita tayo nga idi nalpasen nga nagnaed ni Apo Jesus idiay Capernaum uppat nga dagus ti inayaban na nga pasurotna. Dua nga agkabsat- Pedro ken Andres ken Juan ken Santiago. Apaman nga nangngeg da ti Sao ni Jesus simmurot da nga dagus. Daytoy ti pamaneknek nga ti Sao ni Jesus ket Sao ti Dios nga ayan ti kinapudno ken ayan ti pannaka-isalakan.

Pinanawan da dagus dagiti trabaho da ket simmurot da ken Apo Jesus. Saan nga ikkan ti napanda biniruk no di ket napanda inpadamag ti kapintasan nga damag nga inted ti Dios iti sangalubongan. Ti pannaka-isalakan nga itugot tayo no mapan tayo idiay sangwanan ni Apo Dios.

II.

Itta nga panawen ket nagbaliwen ti amin; ti Sao ti Dios ket pinagbalinda nga nababa nga kabaelan nga ilawlawag ti tao. Mabalin nga mailawlawag dagiti sumagmamano nga bannag nga naisurat nga nalawag iti Biblia—kas koma ti pannaka-isalakan nga inaramid ni Jesus ngem saan nga amin ket kabaelan nga ilawlawag ti tao.

Anya ba ti resulta na daytoy kakabsat? Immado ti ulbod nga relihiyon nga rimsua gapu ti kinapalanguad ti tao. Maysa maysa ket ibagana nga isuna ti nalaengan sana uyawen ti kadwana gapu ta ipagarupna nga isuna ket kasla dios. Ibagada nga kabaelanda nga artapan ti sireb ken laeng ti Dios. Isunga kakabsat ko iti Apo dagitoy nga pasamak ken pammaneknek nga dandanen umay manen ni Jesus.

Kitaen tayo ti aglawlaw kakabsat bassit nga talaga ti sumurot iti pudno nga sursuro; ni Apo Jesus nagaramid kadagiti milagro ken nakaad-addo nga tao ti tinulongan na ngem dagiti sursuro na latta ti kapatgan. Nagado ti pinakanna ngem awan pay nadakamat ti Biblia nga maysa kadagiyay nga pinakanna ti nagbalin nga napudno nga adalanna. Adda sumagmamano nga nagbalin—(Maria Magdalena, Zacchaeus, Necodemus,  awanen mapanunut ko nga nagbalin nga pudno nga adalan ni Jesus idi nalpas na nga tulongan). Agpanunut tayo koma babaen ti Sao ti Dios kakabsat, na ammoan yo ti kinapudno gapu ta ti Sao ti Dios ket simangpet iti ugar yo. Aramiden amin ti demonyo tapno ti Sao ti Dios ket maiyaw-awan ngem adda latta diyay pammati nga kumpitan tapno dagiti Sao ti Dios ket saan nga mapukaw. Idiay Sao ti Dios ti intayo pagtalenaedan.

III.

Anya ti riknam no napan ka nagsakdo iti adayo inanusam nga binagkat ngem idi dandani kan sumangpet naibilleng diyay danum? Dua lang ti maka-igapo no apay nga natumba ka, saan ka naannad ken sabali ti adda idiay panunutmo idi bagbagkatem diyay danum. Ket maysa latta ti nagbalin nga resulta diyay nga biddut—kumpet tayo kanayun iti Sao ti Dios gapu ta idiay laeng ti ayan ti pammakawan uray pay no addo ti kamali ken biddut tayo.

Ni Jesus latta ti manlippas ti amin; no nagrigat isuna tapno maaddaan tayo ti biag saan met nga nalaka ti makigubat ditoy lubong. Inaldaw nga adda tayo iti gubatan ket ni Apo Jesus ti kabeligan nga armas nga intayo iggiman. Saan tayo nga ibbatan gapu ta idiay laeng ti ayan ti balligi tayo nga pasurot na.

Apo Jesus nagrigat ken nagsagaba ka tapno maada-anak ti biag ken ragsak. Tulongan dak koma nga mangsango kadagiti pana ken gayang ti kabusor tapno dagiti matak ket kanayun nga kitaen na ti Krus nga natayam gapu kenyak. Madayaw ka kanayun ken sika koma ti adda ti puso ken panunut ko. Amen