JESUS: ARI DAGITI NAISALAKAN

Juan 17: 19-30

Ita nga aldaw ti pananglagip tayo nga ti biag iti Dios ket naidatun tapno ti natay nga lubong ket maaddaan manen iti Biag.

Datayo nga adda ditoy nga pagilian, ket ammo tayo amin ti paka-istoryaan ni Apo Jesus. Amin ket ibagana nga ni Jesus ket ari (Krismas), natay tapno maisalakan ti lubong. Ngem apay nga kastoy latta ti pagilian tayo? Grabe ti krimen, grabe ti korapsyun, awan pulos disiplina ti tao ken addo pay nga nakababaen nga kababalin nga mangipaneknek nga ti ibalbalikas tayo panggep ken Jesus ken agpatingga lang iti ngiwat. 

Ti Sao ti Dios ket saan nga nagtrabaho ti puso iti kaadwan isunga awan makita nga bunga na. Daytoy didigra nga sangsangwen tayo ita kakabsat ket saan nga agsidente; daytoy ket wagas ti Dios tapno lagipen tayo manen ti paka-istoryaan ti panaka-isalakan nga inaramid ni Jesus idiay Kalbaryo.

Saan kayo ba masdaaw kakabsat no apay nga ti lock down ket sinakop na iti Semina Santa (HW)? Kayat ti Dios nga daytoy koma nga panawen ket sipupuso ti pananglagep tayo iti Dios. Saan koman nga rabrabak wenno tungpal bilin laeng ti pananglagip tayo no di ket daytoy nga pasamak ket agbalin nga parte iti biag tayo iti inaldaw.

I.                    JESUS NAGBIAG NGA AWAN BASOL

Ti panagbiag ni Apo Jesus idi nagbalin nga tao a kas kadatayo ken simple nga panagbiag; biag ti maysa nga kadawyan nga tao. Karpentero ni Jose nga ama na isunga pinadas met ni Apo Jesus nga nagtrabaho ken nagleng-et tapno adda makan iti lamisaan. Napadas na met nga masolisog ken masaktan, mainsulto etc ngem uray pay no kasta pulos nga SAAN NGA NAGBASOL ISUNA. Nagbiag nga nalinis ken awan sinalungasing na paglintegan ti tao ken Dios.

Inrugi na nga inaramid ti misyon na idi agtawen isuna iti 30 (Lukas 3:23). Inkasabana ti ayat ti Dios kadatayo nga tattao; nagaramid kadagiti milagro saan nga tapno maidayaw isuna no di ket makatulong kadagiti kakaasi ken pammaneknek nga isuna ti Anak iti Dios. Add iti immapal ken nanguyaw Kenkuana gapu ta ti kayat ti tao ket dagiti mangted dayaw ken mangbaggat kadakuada tapno nangatngato da no iti dadduma.

II.                  JESUS NGA NANGLAK- AM TI RIGAT TAPNO MAISALAKAN TI TAO

Ngem uray pay anya ti rigat nga sinango ni Apo Jesus inanusan na amin gapu ti ayat na kadatayo.  Nilak-am na amin tapno masilawan ti nasipnget nga lugar nga ayan tayo. Natiliw ken nadangran, nasuplit ken natupraan ngem dagiyay nga rigat nga sinagaba na ti mangpaneknek ti kinaDios na ken  ti naisang-sangayan nga ayat na.  Ita nga aldaw kakabsat ti PANAKALIPPAS TI MISYON NI JESUS- ti basol ket nabayadan ken ti kinarugit tayo ket nalinisan. Ni Jesus ti nadusa kadagiti basol nga inaramid tayo. Nalpasen—naikarun ti utang tayo iti Dios. Nalaka para kadatayo ngem biag ken dara ti Dios ti kasukat daytoy pannaka-isalakan nga naited kadatayo iti Nagan ni Apo Jesus.

III.                PANAGBIAG TI MAMATI

Saanen nga lagipen ti Dios dagiti basol tayo – nalipatan nan amin. Amin tayo ket naikkan ti baro nga biag gapu iti rigat ni Apo tayo nga Jesu Kristo—maawat tao daytoy babaen iti PAMMATI.  Diay pammati tayo ken Apo Jesus isu iti ima nga nang-awat iti dayta nga pannaka-isalakan.

Itta kakabsat ko kasanon ti ikasta tayon nga agbiag? Nangngegan tayo ti Sao ti Dios ket ikkan tayo koma ti gundaway ti Sao tapno agtrabaho ket isuna ti mangted inspirasyun ken pigsa kadatayo  tapno agbiag tayo kas natulnog nga Kristiano (saan nga importante ti ayan tayo nga sekta). Isuna ti mangbaliw kadagiti pagkapsutan tayo tapno babaen  kadatayo maibagi ken maipakita tayo ni Jesus.

Iti nagan ni Jesus.. Amen