SIASINO DAGITI AWAN DISIPLINA NA?

SIASINO DAGITI AWAN DISIPLINA NA?

Adda latta koma anus ken ragsak nga marikrikna ti tunggal maysa kadatayo uray madama nga sangsangwen tayo pay laeng ti panakigubat iti saan nga makita nga kabusor. Naimbag latta ti aldaw gapu ta addan ti Dios ti uneg ti puso tayo.

Ti pagpanunutan tayo ita kakabsat ket ti maysa nga pasamak nga mangmangted ti panakadismaya iti kaadwan. Addo ti kakailian tayo ti saan nga agtungpal kadagiti linteg nga ipatpatungpal iti gobyarno. Ket gapu iti daytoy addo kadatayo ti maka-unget ken manggura kadakuada ngem dumawatak ti bassit nga panaka-awatyo kakabsat tapno adallen ken kitaen tayo nga nalaeng ti sitwasyon dagitoy nga kakabsat tayo. Kitaen tayo kakabsat ti kasasaad ti biag da ken siasino ngamin ti nangipalubos tapno agyan da iti kasdiay nga klasen ti lugar. Admitarek nga saanak pay nakapan kadagiti slum areas idiay Manila, nakitak laeng dagitoy nga lugar babaen iti panagbuyak kadagiti dokumentaryo iti tv, panagbasa kadagiti pagiwarnak ken pannakilangen kadagiti kakabsat nga nagapo ken agi-iyan sadiay. Ammok kakabsat nga saan nga perpekto dagitoy isurat ko ngem maipakita koma no anya ti mapaspasamak iti pagalian tayo.

Daytoy nga sakit kakabsat ket nakaam-ammak gapu ta mabalin nga alaenna ti biag ken dakkel pay ti magastos iti ospital gapu ta mabayag nga maagasan. Isu nga amin ket agammak nga rumuar ngem gapu ta awan maaramidan dagitoy nga kakabsat insuko dan ti amin amin da. Ibaggada iti bagi da “ti Dios ti maka ammon kenyak/ Dios na ang bahala sa akin”. Natayen ti arapaap da, natayen ti namnama da ken natayen ti respeto da iti bagida. Nasakit man nga panunuten ngem kastoyen ti taray ti panunut dagiti kakabsat tayo nga adda kadagitoy karigatan nga lugar ditoy Pilipinas. Maysaak nga simple nga tao ditoy Cordillera, narigat met ti biagmi ngem amin ket mangan ken awan ti mabisinan, amin ket agleng-et gapu ta adda talon nga pangalaan ti pagbiag isunga amin nga mangbuy-buya kadagitoy nga pasamak iti mangibaga “apay ngamin nga napan ti nagado nga tao idiay Manila?”

Inrugi dagiti addo nga tattao nga mapan iti suidad idi panawen ni Presidente Marcos gapu ta addo nga kalsada idi iti naaramid ken addo nga panggedan ti maipatpatakder.  Ngem idi bimmagsak ti ekonomiya gapu iti kurapsiyon nairugin nga mausar dagiti marigrigat tapno maipatakder ti maysa ken maysa ti bukod na nga teritoryo. Isunga adda dagiti pamilya nga makintengngel iti turay iti maysa nga lugar. Ket daksang gasat nga enggana ita nga panawen ket adda pay laeng ti pamilya nga agar ari iti dadduma nga luglugar.

Tapno masigurado ti maysa nga kandidato ti balligi iti maysa nga lugar kasapulan ti addo nga botante ket dayta iti maka-igapo no apay nga immado ti squatters area wenno slums idiay Manila. Mausar dagiti kakaasi tapno ti pwesto ket agtalenaed.

Awan anyamanna dagitoy idi gapu ta inakseptar tayon nga Pilipino dagitoy ngem tatta nga inummay daytoy nga sakit makitayo nga dakkes ti resulta dagiyay naaramid idi. Kasano nga adda social distancing no agdedekket dagiti babbalay ti maysa nga lugar. No kitaen tayo dagiti lugar nga ayanda ket pagturugan laeng gapu ta nalipit ken pirmi pudotna no addan iti init. Mano ba ti awan balayna iti suidad? Manen kakabsat amiresen ken maawatan tayo koma dagiti kakabsat tayo idiay Manila.

Adda tallo nga ibingay ko nga pagpanunutan tayo koma amin kakabsat:

1)   1.    Dagiti babaknang saan da met koma sobraan nga ipakita ti kinangato da. Adda nakitak nga adda pay taga payong da no rumwar da ti balay. Masapol tumakder dagiti katulongda no mangmangan da iti lamisaan; mabalin ba nga ibaba da met ti bagida tapno saan unay maidadanes dagiti kakaasi. No siak nga mangkitkita karkaro nga bumaba ti kita da iti bagi da no maitangan da dagitoy. No addo ti kwartam agyaman ka iti Dios ngem saan mo koma usaren dagitoy nga inpabulod ti Dios tapno idadanes mo ti padam nga tao nga parsua met laeng iti Dios.

2. Apay nga ibaga tayo nga awan disiplina dagiti kakaasi ngem no kitaek dagiti tattao nga maidaydayaw iti pagilian tayo; Ado kadakwada ti agsusukat ti asawa na ngarud awan met ti dispiplina dagitoy nga tattao. Apay nga no dagiti babaknang ken gwapo nga tattao ket maidayaw latta uray awan met disiplina da? Dua kadi ti linteg tayo—sabali para kadagiti kakaasi ken sabali met para iti babaknang?

3. Pirmi unay ti panangidayaw tayo kadagiti kandidao nga kayat tayo ngem malipatan tayo ti pagilian tayo nga Pilipinas. Ti umana koma nga kitaen tayo kakabsat ket ti pagsaya-atan ti Pilipinas. Adda ti inaramid ti administrasyun nga napintas ket patiek nga adda met maitulong ti oposisyun. Isunga dagiti mainaynayon iti rally maymayat no mapan kayo kitdi tumulong nga agluto tapno adda maiwaras kadagiti mabisbisinan—saan koma sayangen ti pigsa gapu ta panawen ti rigat tatta.

Nagmayat kitdin no dagiti NPA ket bumaba da pay iti bantay ket tulongan da dagiti militar nga mapan mangitulod iti tulong kadagiti adda iti adayo nga luglugar. Uray tatta lang nga panawen ti rigat- no mapasamak daytoy pulos nga saan to malipatan dayta nga pasamak ken aramid. Lagipen tayo kakabsat nga dagiti mayat nga inpakita tayo kadagiti kakabsat tayo ti kanayun nga lagipen ti tao uray pay awan tayun ditoy nga biag.

Agsubliak manen iti titulo daytoy insurat ko kakabsat. SIASINO DAGITI AWAN DISIPLINA NA? Sungabatak ti maysa manen nga saludsod SIASINO TI MAKITKITA YO NGA TI BAGI NA LAENG TI PAPANUNUTEN NA? nalaka laeng nga makita kakabsat ket dakayun ti mangsungbat.