Ni Jesus ti Dalan; Ni Jesus ti Kinapudno; Ni Jesus ti Biag

Juan 14:1-14

Ita nga aldaw ket naisangsangayan gapu ta intayo pagyamanan dagiti inaramat iti Dios tapno napintas ti biag tayo ditoy lubong. Isuda ti nagsakripisyo tapno dagiti bado tayo ken nalinis, dagiti kanen tayo ket naluto nga nalaeng ken isuda ti instrumento  ti Dios tapno maipasngay tayo ket makita tayo ti kinapintas ti lubong nga naaramid. Dagiti nanang, ina, nanay etc ti banwar ti pagtaengan ket rumbeng nga maited ti respeto kadakuada saan laeng nga tatta nga aldaw no di ket tungpal biag.

Kablaawan ken pagyamanan tayo amin dagiti nanang tayo gapu ta dakkel ti naaramidanda tapno ti biag tayo ket napintas ken maka-ay-ayyo iti imatang iti Dios.

Iti texto tayo inaramat manen ni Apo Jesus ti balikas nga I AM—Siak ti dalan, kinapudno ken biag. Kadagitoy nga balikas ni Apo Jesus ipakita nga nga isuna ti ayan ti amin-amin tapno datayo nga tattao ken makasangpet iti raungan ti langit.

Nadadael man daytoy nga dalan gapu iti basol ngem dagiti rigat ni Apo Jesus idaiy Krus ti nangisimpa tapno datayo manen ket makapagdalyasat tapno sumangpet tayo iti balay ti Dios Ama.

Iti daytoy nga panawen agsublin ni Apo Jesus idiay balay ti Ama tapno isagana ti pagyanan tayo nga mamati Kenyana. Sigurado nga napintas nga lugar dayta—awanen ti basol nga mangparparigat kadatayo. Ti basol ken mapukaw idiay langit ngarud amin ket agbalin nga nasayaat ken perpekto. Anyan! Nga nagpints nga lugar dayta gapu ta surok nga 2000 nga aldaw nga insagana ni Apo Jesus ti pagyanan tayo.

II.

Dua kadagiti adalan ni Jesus ti nagdamag; umuna ket ni Tomas daydi nagdua-dua ti panagungar ni Apo Jesus. Manen kakabsat sumrek manen dagiti nainlubongan nga kapanunutan, ipagarup manen ni Tomas nga ti papanan ni Jesus ket lugar nga masarakan ditoy lubong. Isunga ipagarup ni Tomas nga ti dalan nga ibagbaga ni Jesus ken dalan nga masarakan iti mapa- ngem kuna ni Apo Jesus Siak ti Dalan, Siak ti kinapudno, siak ti biag. Dalan, kinapudno ken biag—dagitoy nga tallo ket saan nga agsisina ken masarakan amin ken Jesus. No adda ni Apo Jesus ti biag tayo- adda tayon iti usto nga dalan, adda tayun iti kinapudno ken addan biag kadatayo. Ni Jesus ti ayan ti amin-amin.

Anya nga dalan ti ibagbaga ni Jesus? Dayta manen ti dinamag ti maysa nga adalan. Ipakitam man kadakami ti Dios Ama tapno maawatan mi dayta nga dalan? Daytoy nga gundaway ti nangipakitaan ti Apo Jesus ti panagkaykaysa ti Dios Ama ken Dios Anak. Sabali ti akem nga inaramid da nga dua ngem makitayo kakabsat nga pulos nga saan nga agkontra ti pagayatan ti Dios Ama ken Dios Anak. Dios Ama iti ayan ti pagarian, Dios Anak ket isu met ti Dalan. Ti pagarian ken dalan ket pulos nga saan nga agsina ken napategda nga dua tapno datayo nga managbasol ket saan nga maiyaw-awan. Ti Dalan ken Pagarian keta awan ti nababa ken nangato gapu ta no awan ti maysa—saan nga maaramid ti maysa ti akem na- isunga nga ibaga ni Apo Jesus nga maymaysa ti Dios Ama ken Dios Anak. Nomanpay sabali ti Dios Ama ken Anak ngem maymaysa ti ayat da, maymaysa ti panggep da ken maymaysa ti plano da kadatayo nga pinarsua da. Ket ti Dios Espiritu ti mangmangted kadatayo ti laeng ken panaka-awat tapno makita tayo dagitoy nga aramid.

III.

 Anyan nga ragsak ken nagasat tayo kakabsat gapu ta adda tallo nga persona ti Dios tayo. Amin ket sabasabali ti akem na ngem maymaysa ti pangggep ken plano da, Tapno datayo nga tattao ket maisalakan ken mapan iti lugar nga insagana ni Apo Jesus.