DIKTADOR

 

DIKTADOR

by jpalangyos

                                      

                                                                                   

 

                                                                                                                        

Masaer ti rikna ken panunut gapu ta enggana ita nga panawen ado pay laeng ti saan makin-ammo no anya iti kayat nga saowen ti diktador. Ti Diktador ken maysa nga tao nga dagiti laeng kayatna wenno ibaga na  ti masurot ken mapati. Amin nga pagilian ditoy lubong ket nagsagaba da amin iti napalo gapu kadagitoy nga diktador. Ni Pol Pot idiay Cambodia nga nangpapatay ti maysa milyon nga tattao; Idi Amin iti Uganda nga nangpapatay met iti 300,000 nga tattao iti pagilian da. Ken saan nga mapukaw ti nagan ni ferdinad Marcos nga nagdeklara iti Martial Law iti Pilipinas ket ado met dagiti natay ken nagsagaba gapu iti daytoy.

Ammok nga ado manen iti gumura ken agunget iti daytoy nga isurat ko gapo ta pudno ken napigsa diyay putot na nga tumartaray manen nga president ti pagilian nga Pilipinas. Awan pulos inamin na nga dakes nga inaramid ni ama na uray napaneknekanen iti napalabas. Ti lang pagsidda-awak ket apay nga ado iti gumura kadagiti nangilaban ti waya waya ken mang ebkas ti rikna ken kapanunutan. Kadagiti insuratko ado ti nagunget ken mangibaga kadagiti nasakit gapu ta kurang iti pannaka-ammo da iti napalabas. Mayat no adda dagiti opinion ngem kasapulan met koma nga adalen no dagiti opinion tayo ket saan na nga kontraen iti kinapudno.

Ado dagiti nagsagaba idi panawen ti diktatorya nalabet kaaduan kadatayo ditoy Norte ket saan unay nga nasaged gapo ta awan unay boses nga naebkas idi panawen ti abuso. Kanayun ko latta malagip daydi tatang nga kanayun nga mangkuna kadagiti tattao “SAAN KAYO AGSAOSAO TA NARIGATEN, BASTA WEN KUNAYO LATTAN”. Kasta idi diktaturya mabalin latta nga mapan daka piduten ken ibalud uray awan ti kasom; dagiti dadduma naparigat ken napapatay nga enggana ita saan pay mabirokan dagiti bangkay da. Despensarendak kakabsat ko karkaro dagiti biktima gapu ta malagip da manen iti nakas-ang nga napalabas ngem kasapulan nga ibaga tapno sumardeng koma dagiti tattao nga mangipagarup nga rabrabak laeng ti martial Law.

Iti diktatorya nadagsen ti agsao iti kinapudno ado ti naibalud ken natay isunga saan met koma katawaan ken laisen dagiti manglagip kadagiti aldaw nga narigat ti mang ebkas iti abuso nga mapaspasamak. Dagiti agtutubo ita saan da nga maamires nga gapu kadigiti nagsakripisyo idi isunga addan waya waya da nga mang ibkas iti kapanunutan da. No awan dagiti natay ken nagsagaba awan koma ti demokrasya; marigrigat tayo pay laeng ita gapu ta nadadael ti pagilian tayo iti diktatorya ngem adda latta ti waya waya tayo nga agsao ken mangisurat kadagiti rikna tayo.

Makipagrikna tayo met kadagiti napukawan idi panawen ti diktatorya; saan ka kakatkatawa dagitoy, napasamak ken naisoraten iti history tayo. Ti panang kalub iti kinapudno ket basol met laeng iti mata iti Dios. Saan nga basol no ibaga iti kinapudno ket dayta ti ar aramidenmi.