POLITIKA

 

POLITIKA

By: jpalangyos

photo credits to the owner

Marikna manen ti bara iti kampanya kadagiti tattao nga sobra ti panang-idolo kadagiti kanditato nga saan pay maka-ammo kadakuada. Despensaren dak kakabsat no kasta ti nakunak gapo ta adda tao nga kasla Dios ti kita iti kanditato. Awan biang ko kadagiti kanditato gapu ta aramidenda amin nga pamuspusan tapno kayaten ti tao isuda ngem ti pakasdaawak ket ti tao nga mamati amin uray kadagiti ulbod.

Iti nakem ko, no tumaray ni Apo Jesus nga kanditato ditoy Pilipinas siguradoak nga saan nga mangabak isuna gapu ta nalinis ken saan nga agsaor. Awan siguro komontra kinyak no ibagak nga ti POLITIKA ket narugit nga ay-ayam ket ipusta pay dagiti dadduma uray kararua da. Napudot ken kaya da pay nga umutang iti biag gapu ta intedan ken Satanas ti kararua da.

Saan met kitdi nga amin gapo ta adda pay lang mabilang nga nalinteg nga agturay ngem kaaduan ket inabaken ti kwarta ken bileg ti panunut da.

Ammo tayo amin dagitoy ngem kaaduan ngamin kadatayo ket sadot nga agbasa ken agadal tapno uray koma narigat iti biag ngem saan tayo koma nga nalaka nga maloko. Simple lang ti biag ditoy ayan mi ngem padasen latta nga agbasa ken agdengngeg kadagiti banag nga mangted adal gapo ta ti biag ket kanayon ti panagadal. Saan nga sumardeng ti adal ket salemetmetan tayo koma diyay tapno isu iti agbalin nga igam tayo tapno saan tayo nga nalaka masaor.

Kayat tayo kadi nga kastoy tayo tungpal biag? Nga pagay-ayam man laeng dagiti saor nga ado iti kwarta na. Nagpuskol ti rupa da nga mangibaga nga awan pulos tinakaw da ngem no usaren ti simple nga kapanunutan; kitaem laeng dagiti sanikua na ket amomon nga saan na kaya nga gatangen dagiyay gapu ta awan met dakkel nga negosyo na . Agaramid da iti istorya ngem madlaw met nga panay ulbod gapu ta usaren na ti kwarta tapno makaluban ti kinapudno.

Nagasatak laeng gapo ta awan ti abusado unay nga politiko ditoy ayan mi ditoy Cordillera.

Ngem gapo ta panawen ti rigat tatta lipaten tayo pay koma iti eleksyon  ta mabayag pay diyay. Saan tayo pay ammo no sibibiag tayo pay no dumanon dayta nga aldaw. Ayaten tayo ketdi ti pamilya ken kaaruba tayo ta dagita ti tumulong kadatayo no panawen ti rigat ken kalimidad. Agtalek tayo iti Dios ta isuna laeng ti makalapped iti daytoy nga sakit nga adon ti biag nga inala na.

Adda dagiti politico kadagiti mansion da nga agplanon kadagiti addang nga aramiden da—saanak nga masdaaw ken no sino iti mangabak irespeto tayo latta gapo ta isu ti kayat iti Dios. Ngem agbasa ken agadal tayo koma tapno saan tayo manen nga kanayun agreklamo no addan nakatugaw. Lagipen tayo kanayun nga ti ULBOD ULBOD ENGGANA MATAY. Salamat kadagiti nagbasa.